Despois dos primeiros pasos niso do traballo colaborativo nos que formamos grupos, repartimos os roles, etc. comezamos a poñer en práctica esta nova forma de traballar na aula.
Para a seguinte parte do noso traballo en grupos colaborativos, utilizamos a técnica coñecida como Puzzle de Aronson.
Os primeiros grupos dividíronse en pezas, como se dun puzzle se tratase, para formar novos grupos de expertos entre os que se repartiron os diferentes aparellos que interveñen na NUTRICIÓN.
A continuación fixemos unha chuvia de ideas para saber que buscar sobre cada un dos aparellos.
Para a recabar a información máis importante de cada un dos aparellos fixemos unha busca na Internet, libros da biblioteca do colexio, etc.
Documentos para a busca de información na internet coas páxinas preseleccionadas.
Con toda a información recollida elaboramos uns murais explicativos de cada un dos aparellos cos que despois, de regreso ós nosos equipos, nos servirán como apoio para explicarlle o aparello do cal xa somos expertos ós nosos compañeiros.
No hay comentarios:
Publicar un comentario